Այցելեք Նաիրիան

Նաիրիանի դաշտերն ու լաբորատորիան գտնվում են Արա լեռան լանջին բազմած ծաղկառատ Արագյուղում: Այստեղ է ստեղծվում մեր արտադրանքը՝ բույսերի մշակումից, եթերայուղի ստացումից, կոսմետիկական բանաձեւերի մշակումից մինչեւ փաթեթավորում: Այցելեք մեզ, տեսեք, թե ինչպես են մշակվում դեղաբույսերն ու ծաղիկները՝ վերածվելով կատարելապես բնական կոսմետիկայի:

• Պտտվեք լաբորատորիայի շրջակայքում գտնվող մեր փորձարարական պարտեզում:

• Տեսեք եթերայուղերի թորման ընթացքը (եւ ըմբոշխնեք բույրը):

• Այցելեք լաբորատորիա եւ արտադրամաս, հանդիպեք մեր գիտաշխատողներին ու իմացեք, թե ինչպես են ստեղծվում Նաիրիանի կոսմետիկական բանաձեւերը:

• Վայելեք մի բաժակ թեյ, սուրճ կամ հյութ, ինչպես նաեւ համտեսեք տնական անուշահամ թխվածքներ մեր պարտեզի տաղավարում:

• Հնարավորություն ստացեք ձեռք բերելու Նաիրիանի տեսականին 15% զեղչով:

Փաթեթներ

Տոմսի տեսակ	Վճարը մեկ անձի համար, ՀՀ դրամ	Շրջայց	Թեյ եւ թխվածք	Լանչ	Ծաղկա- քաղ	Տրանս- պորտ
Նաիրիան տրամադրություն 4-ից մինչեւ 30 հյուր	3500*	V	V
Նաիրիան տրամադրություն մինչև 4 հյուր	6000*	V	V
Նաիրիանի համն ու հոտը 4-ից մինչեւ 30 հյուր	6000**	V	V	V
Նաիրիանի համն ու հոտը մինչև 4 հյուր	8500**	V	V	V
Ծաղկաքաղ 10-ից մինչեւ 30 հյուր	7500	V	V	V	V	V

*Նաիրիան տրամադրություն տոմսի գինը մինչև 12 տարեկան երկու երեխաների համար անվճար է, սակայն երկու երեխային պետք է ուղեկցի առնվազն մեկ չափահաս։ Կազմակերպում ենք ուսանողական այցեր՝ սկսած 10 հոգանոց խմբերից։ Մուտքը՝ 1500 դրամ, ուսանողական տոմսերով։

** Նաիրիանի համն ու հոտը տոմսի գինը մինչև 12 տարեկան երկու երեխաների համար անվճար է, լանչը 1 երեխայի համար՝ 2500դր.։ Երկու երեխային պետք է ուղեկցի առնվազն մեկ չափահաս։ Կազմակերպում ենք ուսանողական այցեր՝ սկսած 10 հոգանոց խմբերից, մուտքը ուսանողական տոմսերով։ Մեկ ուսանողի համար փաթեթի արժեքն է 4000դր.։

Լանչին մատուցվում են բրդուճներ՝ բանջարեղենային և հավի կրծքամսով, խաչապուրի և ոսպով պաշտետ, սեզոնային մրգեր, թեյ եւ թխվածք:

Վարդաքաղ / Ծաղկաքաղ: Եթե Հայաստանում եք, բաց մի թողեք բնությունն ու ծաղկաքաղը վայելելու այս հիանալի հնարավորությունը։ Մասնակցեք վարդաքաղի կամ ծաղկաքաղի հատուկ շրջայցին և անցկացրեք անմոռանալի եւ ոգեղեն ժամանակ գեղատեսիլ Արագյուղում՝ ձեր օրը հագեցնելով նորանոր հաճելի զգացողություններով։

Վարդաքաղը հնարավոր է կազմակերպել հունիս ամսին (մոտավորապես հունիսի 5-ից 25-ը, իսկ ծաղկաքաղը՝ հունիսի վերջից մինչ օգոստոսի վերջ):

Ամրագրելու համար զանգահարեք 041 445 442 կամ գրեք visit@nairian.com

Մենք խոսում ենք հայերեն, անգլերեն և ռուսերեն։

Զբոսայցի տևողությունն է 2 ժամ։

Դեպի «Բաղադրիչներ»