ԱՆՎՃԱՐ առաքում բոլոր պատվերների համար
ՎԵՐԱՄՇԱԿՄԱՆ ԾՐԱԳԻՐ
Տարաների վերամշակման ծրագրից մինչեւ Արագյուղի փորձարարական այգում ավանդական կոմպոստացումը՝ մենք անվերապահորեն նվիրված ենք բնապահպանական արժեքներին, եւ փորձում ենք անհրաժեշտ նախապայմաններ ստեղծել՝ համադրելու աշխատանքի արդյունավետությունն ու բնության հանդեպ մեր սերը:
Մեր վերամշակման ծրագրի շնորհիվ Դուք հնարավորություն ունեք մասնակցելու բնության մասին հոգածության մեր ամենօրյա աշխատանքին՝ տեսակավորելով և վերամշակման հանձնելով Նաիրիան ընկերության բնական կոսմետիկայի սրվակները։ Դրանք երկրորդ կյանք կստանան տնտեսական այլ ոլորտներում կիրառության նպատակով, միաժամանակ կապահովեն Ձեզ համար զեղչ ցանկացած խնամքի միջոց ձեռք բերելու պարագայում։
Նաիրիանի խնամքի միջոցների բոլոր տարաները ենթակա են վերամշակման։ Տարաները վերամշակման հանձնելիս հաճախորդներն օգտվում են հատուկ զեղչից՝
-15%
ցանկացած խնամքի միջոց գնելիս։
*Մեկ տարան համարժեք է մեկ խնամքի միջոցի։
Վերամշակման ծրագրի զեղչը
չի գումարվում ընթացիկ զեղչերին։
Վերամշակման զեղչից օգտվելու համար հաճախորդներին խնդրում ենք տարան հանձնել մասերն առանձնացրած և մաքուր վիճակում։ Եթե տարան վնասվում կամ կոտրվում է բացելու ընթացքում, հոգ չէ, քանի որ վերամշակող կազմակերպությունը դրանից պատրաստելու է հումք։
Շնորհակալություն մեզ միանալու եւ ավելի մաքուր Հայաստան ստեղծելու համար:
